Leiðreglur um marknaðarføring av prísi

Tað skal vera lætt at síggja prís á vøru og tænastu á sølustaðnum. Eru fleiri enn ein prísmerking á einari vøru, skal tað vera sjónligt hvønn prís, ið brúkarin skal gjalda. Tey, sum í vinnuvirksemi selja vørur og/ella tænastur til brúkarar, skulu upplýsa um prísirnar soleiðis, at brúkarin lætt kann síggja prísirnar.

Prísir, ið vøra er merkt við í handlinum, ella sum tann vinnurekandi hevur marknaðarført vøruna við, skulu samsvara við tað, ið verður tikið fyri vøruna, tá hon verður førd gjøgnum kassan.

Prísmerking skal vera týðulig, so at skilligt er, til hvørja vøru prísmerkingin vísir.

Greiður príslisti ella skelti við prísunum á allari teirri tænastu, sum viðkomandi tænastufyritøka veitir, skal vera við avgreiðslukassan ella á sjónligum stað har, ið tænastan verður veitt.

Eisini skal tænastufyritøkan, ið tann mun tað ber til, hava príslistar við inngongdina. Har skal prísurin fyri vanligastu tænasturnar, sum í boði eru, tilskilast.

Triðjamans ábyrgd:

Triðimaður, ið hevur viðvirkað til marknaðarføring hjá tí vinnurekandi, kann medábyrgdast fyri marknaðarføring eftir vanligu reglunum í revsilógini.

Skjalprógv:

Allar upplýsingar um verulig viðurskifti skulu, um neyðugt, verða skjalprógvaðar.

[1] týðiliga at avlaga teirra búskaparligu atferð = brúk av handilssiðvenju, ið týðiliga avmarkar evnið hjá brúkaranum at taka eina upplýsta avgerð, soleiðis at brúkarin tekur eina avgerð um keyp e.l., hann annars ikki hevði tikið.

[2] matvørur og aðrar vørur, ið verða (for)brúktar í húsarhaldinum. Av vørum, ið eru fevndar av fýra viku tíðarskeiðnum kunnu nevnast matvørur, góðgæti, plast/ruskposar, sápa o.a. til reinføri, sápa til reingerð. Dømini eru ikki endalig ella fullfíggjaði.